Ministria e Shëndetësisë bën të ditur se ka shkuar në 1385 numri i të prekurve me koronavirus në vend, me 44 raste të reja në vetëm 24 orë. Hartës së përhapjes i shtohet edhe Vlora.
Nga 291 testime të bëra u identifikuan 44 raste, përkatësisht 22 në Tiranë, 6 në Krujë, nga katër në Durrës, Kamzë dhe Shkodër, 2 në Lushnje dhe një rast në Vlorë dhe Elbasan.
Rastet e konfirmuara janë kontakte të rasteve pozitve dhe raste të reja në hetim në Shkodër, Elbasan dhe Vlorë.
Ndërkaq, nga 40 testime në personel shëndetësor, 9 prej tyre kanë rezultuar pozitiv dhe janë të gjitha kontakte.
Në spitalin infektiv është rritur dhe numri i shtruarve i cili ka shkuar në 52, tetë prej të cilëve në terapi intensive.