Rënie dherash dhe gurësh në aksin “Elbasan-Librazhd”, vështirësi në qarkullimin e mjeteve

Mëngjesin e kësaj të premte, një masiv gurësh dhe dherash janë shembur nga shpati i malit në Murash, në aksin nacional Elbasan-Librazhd. Për rreth 1 orë qarkullimi ka funksionuar vetëm në një sens lëvizje. Kompania nënkontraktore ka bërë pastrimin e rrugës dhe qarkullimi i është kthyer normalitetit. Fatmirësisht nuk ka pasur incidente apo të lënduar nga shembja e masivit të malit.