Reperi me famë botërore, DaBaby ka performuar së fundmi në Prishtinë në një klub nate. Jo vetëm kaq por ai ka publikuar edhe disa foto në rrjetin social Instagram.
“Pata dashuri të zjarrtë mbrëmë në Kosovë”, shkroi ai.
Mirëpo, ajo që vihet re është pikërisht fotoja kur ai ka bërë simbolin e shqiponjës. Jo vetëm kaq por më herët, ai dha dhe në intervistë të shkurtër për “Nacionale” ku tha se i pëlqen Kosova si dhe tha dy fjalë për Dua Lipën
Intervista për Nacionale:
Cila është përshtypja juaj e parë për Prishtinën?
DaBaby: E dua këtë vend njeri, këta po më bëjnë të ndihem si të jem në shtëpi (e ka fjalën për ekipin e klubit në fjalë). Po e dua Prishtinën, e kupton çka dua të them (‘you know what I’m saying – lexoje me zërin e DaBaby-t në kokë).
A ke dëgjuar për Prishtinën apo Kosovën më parë?
DaBaby: Jo, jo, Kosova është gjë e re për mua. Por, po më pëlqen këtu.
Çka pret sonte nga publiku?
DaBaby: Pres të kaloj kohë fantastike, te një klub i ri si ky.
Çka po ndodh me ty dhe Lipën, njeri, a jeni në rregull? (Lipa, me të cilën reperi ka bashkëpunuar për hitin ‘Levitating’, më herët kishte kritikuar rëndë DaBaby-n për monologun homofobik në koncert, andaj i bëra këtë pyetje).
DaBaby: Me Dua Lipën është në rregull, është krejt dashuri (it’s all love). Mezi pres ta këndoj ‘Levitating’ sonte.
A do ta performosh atë freestyle-n në radion ‘La Leakers’ sonte, ishte flakë fare njeri?
DaBaby: Po, nëse do ta dëgjosh, të betohem për Zotin që do ta këndoj.