Vendi ynë do të vijojë këtë javë të jetë nën ndikimin e kushteve atmosferike të paqëndrueshme, por në ditët e fundit të javës dhe sidomos gjatë fundjavës së ardhshme pritet një përmirësim, por që zgjat jo shumë.
Në këtë mënyrë, për ditën e sotme, vendi ynë parashikohet me alternime kthjellimesh e vranësirash deri të dendura, të cilat në zonën e jugut dhe pjesërisht qendër do të shoqërohen me reshje shiu me intensitet të ulët.
Po ashtu, edhe për ditën e martë dhe deri ditën e enjte, moti parashikohet me vranësira deri të dendura si dhe alternime kthjellimesh. Vranësirat do të shoqërohen me reshje shiu me intensitet të ulët deri mesatar në formën e shtrëngatave dhe stuhive shoqëruar me shkarkesa elektrike.
Për ditën e premte moti parashikohet kryesisht i kthjellët, por edhe alternime vranësirash kalimtare, të cilat në relievet malore do të jenë hera-herës deri të dendura. Në zonën e juglindjes parashikohen reshje shiu me intensitet të ulët dhe shtrëngata afatshkurtra.