Rikthimi i reshjeve ka sjellë sërish probleme në zona të ndryshme të vendit, ndërsa Autoriteti Rrugor Shqiptar raporton për situatën në akset kombëtare.
Në rrugën e Dardhës në orët e para të mëngjesit, për shkak të temperaturave të ulëta rekomandohet që nga km 6 deri në km 12 të qarkullohet me zinxhirë.
ARRSH bën me dije se në segmentet Ura e Kranës Syri i Kaltër, Lukovë-Bunec, Librazhd-Elbasan, në Kalimash km 107 dhe Shkopet-Ulëz është ndërhyrë për të mbajtur nën kontroll këto akse për shkak të rënies së materialeve në rrugë.
Reshjet e dendura kanë sjelle probleme në Vlorë. Rruga Vlorë-Orikum është shembur dhe për pasojë kalimi bëhet vetëm me një sens.
Gjithashtu gjatë natës një pjesë e tokave bujqësore në Fush-Krujë janë përmbytur.
Ndërsa dalja e lumit Erzen nga shtrati ka izoluar 12 familje në Shijak.