Tashmë të gjithë jemi të vetëdijshëm se Ismail Kadare nuk është më vetëm shkrimtari i shqiptarëve, por i mbarë botës. Së fundmi revista më e njohur dhe prestigjioze letrare “Ëorld Literature Today” ka vendosur në kopertinën e saj shkrimtarin e shquar shqiptar dhe i ka dedikuar një artikull të plotë veprës së tij.
Në editorialin e këtij numri, kryeredaktori i revistës “Ëorld Literature Today”, Daniel Simon, shkruan se gjenialiteti i Kadaresë qëndron sa në rrënjosjen që ai i ka bëre veprës së tij në një hapësirë specifike, e në kontekstin historik të fund nëntëqindës, aq edhe në kapërcimin e kësaj origjine, për të dialoguar me kryeveprat e letërsisë botërore. Ai gjithashtu ka përdorur një citim të kolegut të tij dhe njëherësh studiuesit të letërsisë së krahasuar, David Bello, që në universin imagjinar të Kadaresë sheh gjithë botën të shprehur në formë letrare.
Simon thekson se falë veprave të Kadaresë gjuha shqipe, që flitet nga një popullsi shumë e vogël në numër, ka arritur të ndikojë letërsinë bashkëkohore në botë. Letërsia dhe vepra e shkrimtarit shqiptar, analizohet në këndvështrime të ndryshme. Nga ajo e dramaturgut, për veprën “Stinë e mërzitshme në Olimp” te arsyet përse duhet të lexojmë Kadarenë.