Komisioni Qendror i Zgjedhjeve ka mbyllur sot gjithë procesin e 30 qershorit, duke certifikuar rezultatin e zgjedhjeve.
Me katër vota pro dhe një kundër, Komisioni Qendror i Zgjedhjeve shpalli rezultatin e zgjedhjeve të 30 qershorit, qe i hap rruge keshtu te zgjedhurve vendore te marrin mandatin permes betimit.
Mbyllja e të gjithë procesit zgjedhor të 30 qershorit ka kërkuar 27 ditë kohë për numërimin, shqyrtimin e kërkesave ankimore dhe miratimit të tabelës përfundimtare, duke hyrë tek ato procese zgjedhore të gjata në historinë e zgjedhjeve vendore në vend.
Ne tabelen përmbledhëse bie në sy se Partia Socialiste ka marrë 60 bashki, nga 61 në vend. Nje bashki e mori partia e minoritetit maqedonas, Partia Minoriteti Etnik Grek për të Ardhmen.
Në të gjithë vendin Partia Socialiste ka marrë 564679 vota, ose 1136 mandate.
Sipas tabeles përmbledhëse, parti e dytë sipas numrit të votave të marra renditet ajo e Paskal Milos, Partia Demokracia Sociale me 27865 vota në rang vendi.
Këtë e pason Partia Socialdemokrate e Shqipërisë, me ish-kryetar Skënder Gjinushit, që ka marrë 27422.
Bindja Demokratike e Astrit Patozit, konfirmohet sipas këtyre rezultateve, parti e katërt, me 20350 vota.
Theksojmë se vota të vlefshme për Kryetar janë 766.482 ndërkoh│ që 49.018 është numri i votave të pavlefshme për Këshill Bashkiak.
