Është rihapur për qarkullimin e automjeteve aksi rrugor Qafë Murrizë-Klos, i bllokuar prej 7 orësh për shkak të reshjeve intensive të dëborës.
Qarkullimi i mjeteve ka vijuar normalisht dhe aktualisht nuk ka mjete të bllokuara.
Mësohet se shërbimet e Policisë Rrugore janë në gatishmëri të plotë për menaxhimin e trafikut dhe apelojnë drejtuesit e mjeteve që të tregojnë kujdes të shtuar gjatë drejtimit të makinës dhe mos të kryejnë manovra të rrezikshme në rrugë.