Shkëlzen Velaj, 35 vjeç, vëllai i Ardi Velajt që mbeti i vrarë bashkë me dy miqtë e tij në ngjarjen që ka marrë emrin “Masakra e Çoles”, është ekzekutuar me armë zjarri mbrëmjen e sotme. Ngjarja e rëndë mësohet të ketë ndodhur në lagjen Çole, ku dhe banonte vetë viktima. Velaj është qëlluar në katin e pestë të pallatit, në derën e shtëpisë ku jetonte i riu.
Rrethanat e ngjarjes janë ende të paqarta. Nga ana tjetër, autorët janë larguar me një mjet, të cilit e kanë djegur në rruën e lumit të Vlorës. Nuk dihet nëse brenda mjetit, siç ndodh rëndom, autorët kanë lënë armën e krimit apo prova të tjera. Gjithsesi, makina do të sekuestrohet dhe do të jetë në duart e kriminalistikës.
Kush ishte Shkëlzen Velaj?
Shkëlzen Velaj, 35-vjeçari që u vra mbrëmjen e sotme, ishtë vëllai i Ardi Velajt, i cili mbeti i vrarë bashkë me dy të tjerë, Akil Hasanaj dhe Albi Limaj, në ngjarjen e rëndë të vitit 2015, e cila ka marrë dhe emrin “Masakra e Çoles”. Gjithçka nisi mbrëmjen e 6 prillit të vitit 2015, për një kazino në qendër të qytetit bregdetar të Vlorës.
Fillmisht në sherr u përfshinë Akil Hasanaj dhe Ardi Velaj, të cilët kanë ofenduar dhe dhunuar Xhuliano Lutajn. Ky i fundit ka kërkuar ndihmë dhe ka vënë në dijeni shokun e tij, Albi Limaj.
Limaj lajmëroi Aleksandër Llanaj dhe të rinjtë e lanë që të nesërmen të për tu sqaruar, në një lokal në lagje “Çole”. Në kohën kur janë takuar të rinjtë kanë nxjerrë armën duke qëlluar në drejtim të njëri-tjetrit. Si pasojë e plumbave mbetën vrarë tre persona, Ardi Velaj, Akil Hasanaj dhe Albi Limaj.
Në pranga u vunë Aleksandër Llanaj, Bertil Aliaj dhe Ani Begaj. Llanaj ndodhet pas hekurave bashkë me dy të tjerët. Ai është dënuar me burgim të përjetshëm, ndërsa Aliaj dhe Begaj kanë marrë nga 35 vite burg secili. Të jetë vrasja e Shkëlzen Velajt, pjesë e këtij zinxhiri? Kjo është pista krysore që grupi hetimor ka mbi tavolinë, që mund të shënojë dhe rikthimin e bandës së Llanajve në skenë.