Facebook bën të ditur se po u jep përdoruesve më shumë kontroll mbi teknologjinë e gjurmimit të saj jashtë platformës, një përpjekje kjo për t’iu përgjigjur kritikave se si i trajton të dhënat e përdoruesve.
Kjo risi i jep mundësi përdoruesve të pengojë rrjedhjen e të dhënave në faqe interneti apo aplikacione që shpërndahen me Facebook, informacion që është thelbësore për të ndihmuar reklamat e rrjetit social të shfaqen tek përdoruesi.
Sipas TechCrunch ky opsion ka kufizimet e tij se sa të dhëna mund të eliminohen nga përdoruesi. Kjo risi do të testohet fillimisht në Irlandë, Korenë e Jugut dhe në Spanjë.