Story janë një mënyrë rrëfimi gjithnjë e më e përdorur, dhe Facebook ka sjellë një tjetër risi për këtë funksion dedikuar një dite të veçantë: Story për ditëlindjen.
Tashmë mund të krijoni kartolina të personalizuara me një mesazh të thjeshtë. Për të krijuar një Story për ditëlindjen mjafton të klikoni njoftimi që të sugjeron ditëlindjen e një miku, të shkrepni ose ngarkoni një foto ose të regjistroni një video të shkurtër duke përdorur kartolina urimi digjitale të disponueshme. Mund të shtoni dhe një kolonë muzikore gjithashtu.
Kur e publikoni, kjo Story do të jetë e dukshme gjatë gjithë ditës në seksionin e dedikuar në profilin e atij që ka ditëlindjen. Pasi kalon dita e ditëlindjes Story mund ta merrni nga arkivi i llogarisë, njësoj si në Story tradicionale.
Story në Facebook nisën të funksionin rreth dy vite më parë dhe po përdoren përditë nga më shumë se 500 milionë njerëz në të gjithë botën.
