‘Daily Star Online’ ka zbuluar në mënyrë ekskluzive se Rita Ora dhe reperi i njohur, Sean Paul, kanë inçizuar në mënyrë sekrete dy këngë, njëra prej së cilës titullohet ‘Call On Me’ dhe do të publikohet gjatë këtij viti. Në prapaskenat e ‘Radio 1’s Big Weekend’ në Middlesbrough, Sean ka folur me ‘Daily Star’ dhe është shprehur kështu: “Unë dhe Rita njihemi prej një kohe të gjatë tashmë. Ne kemi punuar bashkë dhe tani po vendosim se cila nga këngët është e duhura për të publikuar në fillim. Janë dy këngë. Mua më pëlqen shumë njëra prej tyre. Tingëllon shumë ‘Sean Paul’”.
Ai gjithashtu ka zbuluar se kënga ‘Call On Me’ flet për personat e familjes apo miqtë që gjithmonë të gjenden pranë kur ke nevojë për ta. Gjatë debutimit të Ritës në ‘O2 Arena’ në Londër, këngëtarja shqiptare surprizoi fansat kur solli në skenë edhe reperin në fjalë Sean. Tani nuk na mbetet asgjë, veçse të presim publikimin e këngëve që me siguri do të kthehen në hit.
