Cristiano Ronaldo u transferua në fillim të sezonit të shkuar te Juventus, duke u larguar pas shumë vitesh nga Real Madrid. Kur ishte në La Liga, ylli portugez kishte një rivalitet të flaktë me Lionel Messin, duke dominuar kampionatin spanjoll, por dhe futbollin botëror.
Dy fenomenët e futbollit kanë fituar nga pesë “Topa të Artë”, çka tregon qartë dominim e tyre. Tashmë, Ronaldo ka nisur sezonin e dytë te Juventusi dhe ka folur për kohën e tij në La Liga, si dhe për rivalitetin që ka pasur me Lionel Messin: “Shumë njerëz mendojnë se ne e kemi “ushqyer” njëri-tjetrin me rivalitetin tonë.
Është e vërtetë, kur isha në La Liga, të dy ishim në nivele të larta. E kam ndjerë prezencën e tij më shumë se kur isha te Manchester United,. Ishte një rivalitet i shëndetshëm. Ne të dy, ishim simbole të klubeve tona”, përfundoi ylli portugez.