Një 31-vjeçar shqiptar është arrestuar në Zvicër pasi për të kishte një urdhër ndalimi ndërkombëtar. Mirjan Laraj, goditi një shqiptar në 2 shkurt 2012 në Romë dhe u dënua me 10 vite burg nga drejtësia italiane për vrasje në tentativë.
Shqiptari që u godit nga Laraj ishte duke mbrojtur një vajzë që Mirjan Laraj ishte duke e ofenduar, raportojnë mediat italiane.
Ai u arrestua nga një bashkëpunim mes policisë italiane dhe asaj zvicerane. Shqiptari ndodhet tashmë në Itali, në një burg në Milano, ku pritet të vuajë edhe dënimin.