Fjoralba Ponarin në fakt jemi mësuar ta shohim në ekran si moderatore, së fundmi në “E Diell” në Top Channel, por a e dinit se ajo ka qenë pjesë e audicioneve të “The Voice”?
Po, ka qenë në vitin 2016, në sezonin e pestë të këtij spektakli, dhe ka rrëfyer për fansat se e ka urryer veten atje.
Fjoralba i është përgjigjur pyetjeve online të ndjekësve në Instastory, që është kthyer në një trend tashmë mes VIP-ave, duke rrëfyr dhe këtë sekret, por që nuk i doli keq në fund ama.
Ajo madje foli edhe për pengun që i kishte mbetur kur ish-trajneri ishte i ftuar në “E Diell”. “Do doja të më kishte besuar më shumë, i meritoja ato Live-et”, shkruan ajo.
Megjithatë Fjoralba arriti të bëhej imazhi i ri i “The Voice of Albania 6” dhe sot është pjesë e emisionit “E Diell”, ku jo vetëm moderon por edhe këndon e performon.