Apeli i GJKKO-së Gjykata e Posaçme e Apelit për Korrupsionin dhe Krimin e Organizuar ka lënë në fuqi vendimin e “Shkallës së Parë” burgim të përjetshëm për Festim Bexhdili, i akuzuar për rrëmbimin me pasojë vdekjen të Jan Prengës, janarin e vitit 2020.
Bexhdili është shpallur fajtor për rrëmbimin me pasojë vdekjen dhe zhdukjen e kufomës së Jan Prengës.
Kujtojmë se Jan Prenga u rrëmbye më datë 17 janar 2020 në Kamëz dhe që prej asaj dite trupi i tij nuk është gjetur.
Urdhrin për rrëmbimin, sipas SPAK-ut, e dha Dritan Rexhepi dhe Gentian Doci Funiqi.
Rrëmbimi ndodhi pasi vëllai i Jan Prengës vodhi një kontejner me drogë në Britaninë e Madhe. SPAK-u tha se Festim Bexhdili e di vendin ku kanë groposur trupin e Jan Prengës, por nuk e tregon atë.