Dyndjet e njerëzve në tregun e Kombinatit një dite më parë, që u bënë shkak për të radikalizuar masat e distancimit social kanë sjellë ndryshimin në tregun e Kombinatit.
Duke nisur nga dita e nesërme tregu do të funksionojë me rregulla të reja.
Do të ketë një perimetër me kangjella hekuri, që u vendos sot dhe do të krijojë një kordon sanitar lëvizje, që konkretisht ka të bëjnë me sinjalistikë me vetëm një kalim vendosur në formën e barrierave.
Tregu do të ketë vetëm një hyrje dhe një dalje, pa pasur mundësi kthimi pas. Përpos dezinfektimit dhe ruajtjes së distancës, një nga ndryshimet më të mëdha do të jetë që nga nesër asnjë nuk do të lejohet që të futet për të blerë pa autorizim.