Ka nisur zyrtarisht protesta masive e opozitës. Gjatë gjithë kohës ajo shoqërohet nga kolona zanore e filmit të Skënderbeut.
Turma ka ekzaltuar kreun e PD-së, Lulzim Basha. Mirëpo, duket se skenari i opozitës ka ndryshuar.
Opozita e bashkuar kishte deklaruar më herët se gjatë protestës nuk do të kishte fjalime dhe se nuk dihet sa do të zgjasë, pasi fati i protestës do të jetë në dorë të qytetarëve.
Ish-deputeti Flamur Noka ka marrë fjalën dhe ka ftuar portesuti në marshim. “Jo më kohë me fjalë, por veprim qytetar”.
Ndërsa ish-deputeti i PD-së, Salianji ka kërkuar rrethimin e Kryeministrisë.
Ndërkohë që veç kolonës zanore të filmit të Skënderbeut, në sfond dëgjohen edhe kënga e cila duket se është përzgjedhur nga organizatorët e protestës. Kënga titullohet ‘O vendi im’, e cila mban firmën e grupit kosovar Troja.
Ja vargjet e saj.
O Vendi im
Të thërras unë me mall
A lindë për ne Dielli ma?
O Vendi im
Të thërras unë me mall
A lindë për ne Dielli ma?
Ku janë ato fusha?
Atje ku bahej buka
Lisa deri në qiell
Në vendin tim më nuk ka!