Një aeroplan luftarak rus SU-30 është rrëzuar sot në Kaliningrad gjatë një stërvitje. Për pasojë, kanë humbur jetën dy pilotët.
“Aeroplani SU-30 u rrëzua në një zonë të pabanuar. Po fluturonte pa municion. Ekuipazhi i aeroplanit ka humbur jetën”, thuhet në njoftimin e Ministrisë së Mbrojtjes në Rusi, ndërsa shkak i këtij aksidenti ishte një defekt teknik.
Rrëzime të tilla të aeroplanëve luftarakë rusë janë bërë të shpeshta që nga fillimi i luftës në Ukrainë. Ekspertët perëndimorë të sigurisë vlerësojnë se në shumicën e rasteve shkaqet janë “teknologjia” e vjetruar e pajisjeve.