Një avion ushtarak “Eurofighter” është rrëzuar pranë aeroportit të Trapanit, në Siçili, pak minuta para se të ulej në pistë.
Mediet italiane raportojnë se avioni ushtarak u rrëzua në grykëderdhjen e lumit Birgi, jo shumë larg qendrës turistike Rocche Draele.
Autoritetet thanë se piloti nuk është gjetur. Alarmi për rrëzimin e avionit u dha mbrëmjen e sotme në orën 18:00 dhe aeroporti i Trapanit u mbyll për fluturimet civile.
Një fluturim i cili duhej të ulej në Birgi pas orës 19:00, u devijua për në Palermo. Një helikopter i repartit 82 Sar është nisur menjëherë për të koordinuar kërkimet nga lart, ndërsa zjarrfikësit, ambulancat dhe mjetet e tjera të urgjencës kanë shkuar menjëherë në vendin e përplasjes.