Sektorit të Shërbimeve dhe atij Zjarrëfikës në Bashkinë Mat i shtohen 9 autmjete të reja.
Blerja e këtyre makinerive u mundësua nga Bashkia Mat me qëllim plotësimin e nevojave për të arritur një shërbim sa më cilësor në komunitet.
Kryebashkiaku i Matit, Agron Malaj, tha se blerja e këtyre mjeteve lehtëson ndjeshëm punën e Bashkisë Mat, në ofrimin e shërbimeve.
“Do ndërhyhet në të gjitha rrugët, kanalet vaditëse dhe në të gjitha shërbimet që ka nevojë territori i Bashkisë Mat”, shpjegon Malaj.
Automjetet e blera janë mjete të ndryshme duke nisur nga borëpastruese me vinç, kamion me vinç, kamionçinë, rul gome, fadromë, eskavator me goma, ngarkues – gërmues dhe zjarrëfikëse .
