Mjekët paralajmërojnë se mijëra gra rrezikojnë të përballen me efektet anësore të trajtimeve estetike vite më vonë.
Një studim i publikuar nga “The Sun” konstaton se trajtimet mund të shkaktojnë gunga, ënjtje dhe dhimbje në fytyrë pasi sistemi imunitar sulmon acidin hialuronik të përdorur në shumicën e injeksioneve.
Spero Theodorou, një kirurg plastik në Nju Jork, duke folur në një konferencë të Shoqatës Britanike të Kirurgëve Estetikë Plastikë, ai tha se ata që kanë bërë injeksione poshtë syve janë më të prekurit.
Ankesat për efektet anësore janë shtuar në vitet e fundit, pasi përhapja e procedurave të tilla është rritur nga yjet televizive.
Marc Pacifico, president i BAAPS, tha: “Ky hulumtim do të na ndihmojë të njohim disa nga ndikimet biologjike të pavlerësuara më parë të këtyre produkteve…Nuk do të thotë që duhet të panikoseni. Kjo do të thotë që nëse po mendoni të merrni filler, të paktën duhet të shkoni te një profesionist mjekësor i kualifikuar.”