Tërmeti i 26 nëntorit 2019 që i mori jetën 51 personave, rriti ndërgjegjësimin për të shtuar vëmendjen rreth ngjarjeve sizmike dhe pasojave të tyre.
Instituti i Gjeo-shkencave ka përmirësuar rrjetin fizik në stacionet e matjes dhe rikuperimin e ngjarjeve më të vjetra sizmike, por nga ana tjetër nuk po përshpejtohen proceset që kanë të bëjnë me përfshirjen e standardit të Eurokodit në ndërtim në legjislacionin shqiptar.
Instituti i Gjeoshkencave zhvilloi në Tiranë një simpozium shkencor rajonal, ku u diskutua më së shumti për rezultate kërkimore pas tërmetit të Durrësit. Nga janari 2021 filloi zbulimi dhe përpunimi automatik i ngjarjeve sizmike të cilat janë të ndërlidhura në mënyrë automatike me rrjetet rajonale dhe europiane të monitorimit të ngjarjeve sizmike.
Sizmologu Llambro Duni, sugjeroi që të avancohet me përfshirjen e eurokodeve në legjislacionin vendas. Zbatimi i Eurocodit 8 nuk është detyrues, pavarësisht se inxhinierët shqiptar përpiqen që ta zbatojnë. Mirëpo në kushtet kur aktivitet e ndërtimit posedohen nga persona që nuk janë me profesion inxhinierë dhe priren nga fitimet, Eurocodet duhet të jenë detyruese me ligj, tha ai.