Ndërron jetë në spital çifti që u godit nga rrufeja ditën e enjte.
Një çift nga Janesville, Wisconsin vdiq pasi ishin në udhëtimin e tyre të 56-vjetorit të martesës pranë Shtëpisë së Bardhë në Uashington. Departamenti i Policisë së Metrosë raporton se James Mueller, 76 vjeç dhe Donna Mueller, 75 vjeç, vdiqën në spital pasi rrufeja goditi afër Parkut Lafayette pranë Shtëpisë së Bardhë.
Një 29-vjeçar më vonë u bë fataliteti i tretë, thotë policia e Metrosë, megjithëse emri i tij nuk u bë i ditur. Një grua ndodhet në gjendje kritike. Familja thotë se Muellerët ishin në udhëtimin e tyre të 56-vjetorit të martesës. Ata u takuan për herë të parë në shkollën e mesme në Kuba City, Wisconsin.
Ata rritën pesë fëmijë, një vajzë dhe katër djem, në Janesville. Ata kanë 10 nipër e mbesa dhe katër stërnipër. Familja po kërkon privatësi teksa ndjehen të pikëlluar për vdekjen e papritur të dy njerëzve më të dashur të tyre.