Kryeministri Edi Rama:
“Procesi ka shumë ngarkesë dhe është për tu përgëzuara e gjithë skuadra e negociatave, me në krye Majlindën. Është për t’u përgëzuar puna e ministrave, që janë më pranë këtij procesi, për arsye që duhen, Ministri Drejtësisë dhe ai i Brendshëm së bashku me kryenegociatorëve në një prezantim shterues përballë ambasadorëve në Bruksel. Ajo që vlen më shumë se të gjitha në këtë proces, përtej realizimit të një mase, apo kalimit të një reforme, apo pastaj miratimit të reformës në Bruksel është se ky proces rrit kapacitet thelbësore institucionalë të vendit, Procesi ka dobitë jashtëzakonshëm dhe i pazëvendësueshëm me asgjë tjetër. Ky proces është historik, sepse transformon shtetin shqiptar dhe u jep institucioneve fuqi dhe kapacitet për të vepruar që nuk e kanë pasur kurrë në historinë tonë.
Ky proces konsolidon institucionet e drejtësisë, të cilat kanë kaluar në një fazë tjetër pasi kanë pavarësinë që nuk e kanë pasur kurrë dhe ndërkohë në procesin e konsolidimit do duhet të rrisni profesionalizmin, paanshmërinë dhe cilësinë e shërbimeve të tyre, në ndërkohë që ky proces siguron luftën kundër korrupsionit jo thjesht si një luftë që zhvillohet në frontin modernizimit të transformimit institucional dhe të realizimit të një kapacitete të të gjithë shteti për të parandaluar korrupsionin.