Kryetari i Kuvendit të Shqipërisë, Gramoz Ruci i ka telefonuar sonte homologut maqedonas Talat Xhaferi pas miratimit të ndryshimeve kushtetuese të Maqedonisë. Mësohet se gjatë telefonatës, Ruçi është shprehur se lidershipi i deputetëve shqiptarë ka qënë përcaktues për arritjen e emrit të ri Maqedonia e Veriut.
“Lidershipi juaj dhe deputetët shqiptarë janë përcaktues të Maqedonisë së Veriut. Maqedonia e Veriut, vizion e kontribut për paqen e stabilitetin rajonal. Maqedonia e Veriut, vullnet popullor për integrimin në BE dhe NATO. Shqipëria, fqinje, mbështetëse dhe partnere e Maqedonisë së Veriut” – mësohet se ka thënë Ruçi.