Rudina Hajdari u shpreh dje se shqiptarët kanë zgjedhur demokracinë dhe sipas saj, Azem Hajdari nuk do të kishte mbështetur veprimet e Bashës. Sipas deputetes, Basha po minon parimet e paqes, prosperitetit dhe pluralizmit. Por a është penduar Basha që e futi në lista vajzën e Azem Hajdarit?
“Suksesi në jetë përcaktohet nga të bërit sa më pak gabimeve, por në jetë kalojmë nga të bërit gabime, por unë përpiqem që të mësoj nga gabimet. Në cdo vendim përpiqem që të mësoj nga gabimet, por për rastin konkret nuk dua të bëj asnjë koment. Ose do të jetë zgjedhje ose nuk do të ketë zgjedhje” tha Basha.
Basha: E di përse Rama e ka të vështirë të ikë, ejani nesër ta rrëzojmë
Lulzim Basha u ka bërë thirrje qytetarëve për bashkim në betejën për votë të lirë, që sipas tij do ta nxjerrë Shqipërinë nga ky udhëkryq i rrezikshëm. “Nëse jeni sipërmarrës, fermerë të dëshpëruar, nëse jeni profesionistë, taksoheni shumë dhe këto taksa nuk ju kthehet në investim, nëse jeni pensionist dhe nuk ju dalin paratë për të paguar dritat dhe ilaçet, nëse jeni me ndihmë ekonomike qesharake apo jeni nxjerrë me të padrejtë, në veçanti ju të rinjtë, ejani të ndërtojmë Europën në vendin tonë.
Beteja për votë të lirë do ta nxjerrë Shqipërinë nga ky udhëkryq. O tirani e krimit, o demokraci europiane. Ejani nesër në protestën kombëtare në orën 18.30. Rama më të vërtetë e ka të pamundur dhe shumë të vështirë për paktin që ka bërë me ata që e sollën në pushtet, por ata nuk janë as socialistët dhe i them të mendohet mirë para se të turrë blindat dhe gazin ndaj shqiptarëve. Ju të rinj që doni standarde ejani ta ndërtojmë bashkë këtu” tha ai.