Mbrëmë në “Shiko kush luan” ka qenë e ftuar Rudina Hajdari, e cila ka dalë paksa nga korniza e politikës, duke u përballur me lojëra të ndryshme.
Rudina ndër të tjera ka zbuluar dhe se është duke kaluar një moment shumë të vështirë me bashkëshortin.
Pyetja drejtuar Rudinës ishte: Prej pesë vitesh je duke mbajtur një lidhje në distancë me bashkëshortin tënd, ne sot në “Shiko kush luan” duam të dimë cila ka qenë zënka juaj më e madhe për shkak të distancës dhe a ka kërkuar ndonjëherë bashkëshorti juaj të hiqni dorë nga politika për t`ju rikthyer sërish lidhjes dhe jetës në Amerikë.
“Ky qenka një kurth më duket. Kam diku 3-4 vite jo 5 vite që jam dhe unë me të njihem qëkur kam qenë 16-vjeç dhe kemi një lidhje shumë të gjatë me njëri-tjetrin. Jemi martuar, kemi patur një lidhje edhe në distancë kohët e fundit. Kemi patur zënkat tona, kuptohet. Dhe është një sakrificë shumë e madhe sepse kemi dhe vajzën. Kështu që jemi duke kaluar një moment shumë të vështirë në këto momente. Por di t`ju them që ai është një djalë i jashtëzakonshëm, një baba i jashtëzakonshëm dhe më përkrah për këtë që bëj dhe jam e sigurte që gjithnjë do më përkrahë dhe është një nga njerëzit që unë vlerësoj më shumë,” tha Hajdari.