Në Rusi, shumë qytetarë kanë dalë të protestojnë kundër luftës në Ukrainë dhe politikës së presidentit të tyre Vladimir Putin. Por mësohet se 3500 persona janë arrestuar dhunshëm nga policia gjatë ditës së djelë për shkak të këtyre protestave.
Plot 2500 qytetarë kanë pushtuar sheshin e Moskës për të kundërshtuar atë që po ndodh në Ukrainë, por menjëherë më pas janë arrestuar 1700 prej tyre, ndërkohë që 750 persona janë arrestuar në Shën Peterburg dhe mbi 1200 të tjerë në qytetet të tjera ruse, ku protestat vijojnë.
Të gjithë të arrestuarit u dërguan në stacionet e policisë lokale për t’u marrë në pyetje ku “po vendoset çështja e sjelljes së tyre para drejtësisë”, tha një zëdhënës i ministrisë së brendshme.
Nga sa raporton faqja e internetit të të drejtave të njeriut “OVD-Info”, janë gjithsej 10,946 persona të arrestuar në protestat kundër luftës në të gjithë Rusinë që kur Moska filloi pushtimin e saj në Ukrainë.
