ZMoska zyrtare ka mohuar të gjitha pretendimet se ajo po planifikon një sulm kibernetik si kundërpërgjigje ndaj një vale sanksionesh që mori nga Perëndimi.
Përmes një deklarate, zëdhënësi i Vladimir Putinit, Dmitry Peskov u tha gazetarëve se “ndryshe nga shumë vende perëndimore, përfshirë Shtetet e Bashkuara, Rusia nuk angazhohet në banditizëm në nivel shtetëror”.
Komentet vijnë pasi Shtëpia e Bardhë paralajmëroi dje se qeveria ruse po eksploronte opsione për një sulm të mundshëm kibernetik.
Mbrëmë presidenti i SHBA Joe Biden tha se ai besonte se Rusia po përgatitej për operacione të “flamurit të rremë”, një akt i kryer me qëllimin për të fajësuar një palë tjetër.
“Putin është me shpatulla pas murit. Ai nuk po parashikonte shtrirjen apo forcën e unitetit tonë. Dhe sa më shumë të jetë shpina e tij pas murit, aq më e madhe do të jetë ashpërsia e taktikave që ai mund të përdorë”, u shpreh Peskov.
“Ne e kemi parë më parë. Ai ka drejtuar shumë operacione false. Sa herë që fillon të flasë për diçka që mendon se NATO, Ukraina ose Shtetet e Bashkuara do të bëjnë, kjo do të thotë se ai po përgatitet për ta bërë atë”, vijoi ai.
Ndërkohë, presidenti amerikan, Joe Biden shtoi se presidenti rus Vladimir Putin mund të jetë duke u përgatitur për të përdorur armë kimike ose biologjike në Ukrainë.