Një gjykatë në Moskë ka vendosur të ndalojë operimin e kompanisë Meta dhe zgjatimet e saj Facebook e Instagram, duke i cilësuar si organizata terroriste. Për rrjedhojë, shërbimet e tyre, të cilat aktualisht janë të bllokuara, do të ndalohen në vend.
Mësohet se ishin shërbimet sekrete ato që kanë bërë kërkesën ndaj autorieteve gjyqësore për vendosjen e ndalimit të menjëhershëm të rrjeteve sociale amerikane “Facebook” dhe “Instagram” në Rusi. Gjithashtu, një kërkesë për ndalimin e tyre ka ardhur edhe nga Prokurori i Moskës. Kërkesa është bërë në një gjyq për “ekstremizëm” të zhvilluar në gjykatën e Moskës.
“Aktivitetet e Metës (kompania mëmë e Facebook dhe Instagram) janë kundër Rusisë dhe forcave të saj të armatosura. Prandaj kërkojmë që Meta të ndalohet dhe ky ndalim të zbatohet menjëherë”, tha Igor Kovalevski në seancën e parë të gjykimit.