Kryeministri Edi Rama po pushon me familjen e tij në rezidencën qeveritare në Vlorë e këtë javë e ka nisur mëngjesin me një kafe dhe ujë buzë detit. Ai ka shpërndarë në rrjetet sociale një foto ku në sfond është dhe kapelja dhe syzet, e sigurisht dhe ajo që është kryefjala e operacionit anti-informalitet, kuponi tatimor.
Rama ka vijuar të theksojë se kushdo që del kundër ligjit do të ndëshkohet dhe toleranca ndaj bizneseve që kryejnë evazion do të jetë zero. Ndërkohë diçka tjetër që vihet re në kuponin që Rama ka publikuar janë çmimet e favorshme në lokalin ku ai po shijon kafen. Në faturë janë të shënuara dy kafe dhe dy ujë, konkretisht kafeja kushton 80 lek ndërsa uji i vogël 70 lekë.

