Në Shqipëri, regjistrimi i fëmijës në arsimin fillor në sektorin privat u kushton prindërve mesatarisht rreth 210 euro në muaj, ose rreth 2520 euro në vit.
Këto të dhëna janë siguruar nga një studim i faqes së të dhënave Numbeo, i cili ofron një pasqyrë të kostove të jetesës në vende të ndryshme.
Në krahasim me vendet e rajonit, Shqipëria renditet ndër shtetet më të lirat për arsimin fillor privat.
Kosova mban vendin e parë për koston më të ulët, me një tarifë mujore mesatare prej 137 eurosh.
Në anën tjetër të spektrit, Serbia rezulton vendi më i shtrenjtë, me kosto mujore prej 315 eurosh.
Pas saj vijnë Maqedonia e Veriut me 279 euro dhe Mali i Zi me 275 euro në muaj.
Sipas të dhënave nga INSTAT, numri i kopshteve private në Shqipëri përllogaritet në 28,864, duke reflektuar interes të lartë të prindërve për arsimimin privat që ofron një alternativë ndaj sektorit publik.