Gazetari sportiv Ervin Baku analizoi në Scan Live ndeshjen “Shqipëri – Çeki” të Kampionatit Europian 2024, që do të luhet sonte në 20:45 në “Air Albania”.
Baku tha se potenciali për të promovuar Shqipërinë përmes sportit është i madh, duke vënë theksin te ndeshjet ndërkombëtare që shërbejnë si “metamorfoza” e tifozëve në turistë.
“Vjet u luajt Conference League në Tiranë mes Feyenoord dhe Romës. Një finale europiane u luajt për herë të parë në Tiranë. Do te të luhet në 2025 kampionati europian i 17 vjeçarëve. Ne fatmirësisht kemi një infrastrukturë të mrekullueshme. Kemi 4 stadiume të licencuara nga UEFA dhe FIFA . Stadiumin e Tiranës ‘Air Albania’, stadiumin e Elbasanit, ‘Elbasan Arena’, stadiumin e Rrogozhinës, ‘Egnatia Arena’ dhe stadiumin e Shkodrës ‘Loro Boriçi“ theksoi gazetari sportiv.
Finalja europiane midis Feyenoord dhe Romës, përtej mikëpritjes fizike të tifozëve, e ekspozoi Shqipërinë përpara miliona ndjekësve në mbarë botën, sipas të dhënave të Statista mbi shikueshmërinë në platforma dixhitale.
Përgjatë ditëve të finales, përllogaritja për impaktin ekonomik ka qenë afro 140 milionë euro, sipas zëdhënësit për shtyp të Federatës Shqiptare të Futbollit.