Një episod tensionues është shfaqur në edicionin e fundit të Big Brother VIP Kosova, ku afërsia në mes të Santiana Malokut dhe Bucit ka marrë një kthesë të re dhe të papritur. E fejuara e Bucit, hyri të premten brenda në shtëpinë dhe pa të ngurruar udhëzoi Bucin që të distancohet nga Santiana. Ajo i sugjeroi që të ndryshojë lojën e tij dhe të mos i afrohet më Santianës, çështje që ka shkaktuar një valë reagimesh brenda dhe jashtë shtëpisë.
Ndërkohë, për të rënduar edhe më shumë situatën, i dashuri i Santianës, i cili fillimisht kishte shprehur vendosmërinë për të komunikuar ndjenjat e tij përmes një letre drejtuar asaj, ndryshoi mendje në momentin e fundit, dhe kjo gjë iu bë e ditur asaj në spektakël nga prezantuesit e programit.
Pas përfundimit të spektaklit, emocionet e Santianës dolën në sipërfaqe dhe ajo u pa duke qarë, e mbytur nga ndjenjat dhe pasiguritë që e kanë përfshirë. Në një moment të ndjeshëm, ajo shprehu shqetësimin e saj për marrëdhënien me të dashurin, duke thënë se ishte e ngatërruar dhe jo e qartë në lidhje me zhvillimet e fundit: “Nuk mundem, ku me ditë sa veta e kanë pa videon, e kanë pa familja e tij, është shumë e rëndë për mu, nuk mundem më përballu”, tha Santiana në një bisedë me Lindën dhe Albën.