Ish kryeministri Sali Berisha ka deklaruar se është takuar me Yuri Kim, kur kjo e fundit ka ardhur si ambasadore në vendin tonë.
Berisha deklaroi se ka marrë një ftesë nga ambasada amerikane që ka shtruar pritjen dhe shton se ka ndenjur vetëm 5 minuta, thjesht sa e ka përshëndetur Kim dhe është larguar.
“E kam takuar një herë kur ka ardhur. Më kanë dërguar një ftesë dhe e kam takuar tek Rogner. Ambasada shtroj një pritje dhe kam ndenjur 5 minuta aty, i kam shtrënguar dorën dhe kam ikur. Gjatë kësaj kohe nuk kam kërkuar takim se nuk kam asnjë interes. Çdo lloj përpjekje që kanë bërë për spirale negociatash kanë marrë një jo nga unë. Ka patur marrëdhënie të mira kur ambasadorja ka mbajtur qëndrime dinjitoze si ambasadore”, tha Berisha i ftuar në një intervistë televizive.