Presidenti serb, Aleksandër Vuçiç e quajti kryeministrin e Kosovës, Albin Kurtin si “llum terrorist” dhe tha se Serbia do të bojkotojë Samitin e BE-së në Tiranë, por kryeministri Edi Rama tha se Vuçiç nuk ka rrugë tjetër veç se të vijë.
Këtë mendon edhe kryeministrja serbe, Ana Brnabiç, shprehet se Vuçiç duhet që të marrë pjesë në samitin e 6 dhjetorit. Ajo tregon se Vuçiç nuk ka marrë ende një vendim për të shkuar në Samitin BE-Ballkani Perëndimor në Tiranë.
“Si qenie njerëzore e kuptoj dilemën që ka Vuçiç”, tha mbrëmë kryeministrja në një “Hit tweet” në TV Pink dhe shtoi se shpesh pyet veten se si një person ka nerva, tolerancë dhe durim si Vuçiç.