Bateria që hiqet kthehet në smartphone e Samsung, i cili ka publikuar një telefon të ri “Rugged Phone”, pra i menduar për ti rezistuar goditjeve, ujit dhe pluhurit.
Quhet xCover Pro, dhe është krijuar në bashkëpunim me Microsoft i përshtatur për tu përdorur në ambiente pune në sektorë të ndryshëm, nga ai logjistik, sektori i shëndetësisë dhe prodhimit.
Ndër funksionet e tij të posaçme është dhe vvalkie talkie, i integruar në platformën e komunikimit Microsoft Teams.
Në nivelin teknik, smartphone ka një ekran prej 6.3 polsh, dy fotokamera të pasme nga 25 dhe 8 megapiskel si dhe një kamera të përparme prej 13 megapiksel. Procesori është Exynos 9611, me 4 GB Ram dhe 64 GB memorie të brendshme. Bateria prej 4.050 mAh është e heqshme dhe mund të zëvendësohet. Në SHBA ky produkt do të shitet për 500 dollarë.