Presidenti i Parlamentit Europian David Sassoli po viziton Tiranën ku pas kryeministrit me kryeministrin Edi Rama mbajtën dhe një konferencë për shtyp.
Ai tha se ngadalësimi në procesin e anëtarësimit të Shqipërisë në BE ëstë thjeshtë një vonesë pasi negociatat në muajt në vijim do ndikohet edhe nga masat dhe reformat e marra nga qeveria kundër krimit të organizuar, si paketa anti KÇK që siç tha kreu i PE, është një shtysë dhe tregues i qartë për përpjekjet serioze që po bën vendi ynë.
“Jam i gëzuar për hapat që keni hedhur para, duhet të falënderojmë shqiptarët, keni ecur duke parë me besim tek BE dhe për ne është motiv për të besuar. Ndodhi një ngadalësim para fundit të vitit por procesi i anëtarësimit duhet të fillojë. Parlamenti e KE janë të bindur, edhe unë jam, i bindur që kjo është vetëm një vonesë. Kjo po mbushet edhe nga nisma të mëdha nga qeveria, lufta lundër krimit të organizuar, cështjet që kanë të bëjnë në vënien e sigurisë, janë nisma që jo vetëm i shohim me favor por janë objektivisht të domosdoshme”, tha ai.
Ndërkohë, pas shpjegimit që i bëri kryeministri Rama, kreu i PE-së shprehu mbështetjen për paketën “Anti-KÇK”, që sipas tij rris sigurinë në vend dhe të rrisë kapacitetet e bashkëpunimit.
“Paketa që u miratua në fund të javës kishte disa vërejtje specifike për luftën ndaj krimit. Të përshtaten disa standarte dhe të jemi përballë krimit të organizuar. Kjo do të rrisë sigurinë në vend dhe do të rritë kapacitetet e bashkëpunimit. Jam i lumtur që kjo reformë ka frymë italiane. Ne kemi disa 10-vjeçarë që luftojmë përballë krimit. Rezultati do të jetë i madh dhe i rëndësishëm. Ne duhet të arrijmë të hapim procesin e anëtarësimit, dhe kjo pastaj nënkupton që duhet të bëjmë reforma për të arritur standartet evropiane”, tha ai.