IKMT ka zbarkuar sot në një pallat në kryeqytet, i cili thuhet se do të shembet pasi pretendohet se është dëmtuar nga tërmeti i 2019-ës.
Banorët nga ana tjetër refuzojnë që të lënë banesat e tyre. Bëhet fjalë për 10 familje që jetojnë në një pallat 2-katësh në rrugën Margarita Tutulani, pranë shkollës Petro Nini Luarasi.
Po ashtu pohojnë se dëmet në pallat janë të riparueshme. Në vendin e ngjarjes ndodhet forca të shumta policore, ndërsa ka pasur dhe përplasje me banorët, të cilët refuzojnë të lënë banesat, ndërkohë që mes tyre ka dhe persona të sëmurë.