Pak orë para protestës së opozitës mbërrin sot në Tiranë Sekretari i Përgjithshëm i NATO-s, Jens Stoltenberg.
Vizita e tij në Tiranë do të jetë vetëm disa orë, ku do të takohet me kryeministrin Edi Rama. Në qendër të bisedës padyshim që pritet që të jetë siguria rajonale, por edhe aktualiteti politik në Shqipëri. Pas Shqipërisë, Stoltenberg do të udhëtojë drejt Maqedonisë për të zhvilluar disa takime me zyrtarët e lartë të vendit fqinj në Shkup.
Situata politike në Shqipëri është mjaft e tensionuar, Lulzim Basha ka refuzuar thirrjet dhe letrat e kryeministrit për dialog, ndërsa ka kushtëzuar edhe angazhimin e Gjermanisë për të ndërmjetësuar, pasi kërkon me cdo kusht largimin e Edi Ramës.