Deputeti opozitar Myslim Murrizi reagon pas lajmit të publikuar në media se sekretari organizativ i Partisë Demokratike ka fituar një tender pa garë përmes kompanisë së tij, me vlerë 190 mijë dollarë.
Murrizi thotë se ishte pikërisht Dollapi ai që kërkonte ta shpallte si armik dhe si të blerë nga pushteti deputetin që s’pranoi të djegë mandatin por qëndroi në parlament.
“Nuk e di çfarë mendojnë sot, tufa e servilëve që i lëpihej nga pas dhe që e mendonin si i deleguar nga kominterrni?”, pyet Murrizi në një shkrim në Facebook ku ndër të tjera thotë se në 8 vite qeverisje të socialistëve janë 13 anëtarë të kryesisë së PD që kanë fituar tendera.