Janë plot 10 mijë maska mbrojtëse nga COVID- 19 që janë sekuestruar nga dogana greke e që sipas Top Channel kishin si destinacion Shqipërinë.
Plot 10.000 maska mbrojtëse kundër Covid 19 që duhej të mbërrinin në Shqipëri janë ndaluar dhe sekuestruar në doganën greke.

TCH shkruan se sasia e maskave ishte ngarkuar nga një kompani greke (Sarantis Eebe) dhe sapo kamioni u paraqit në doganën e Pireut, për të kryer procedurat doganore, kjo e fundit, njoftoi kompaninë eksportuese greke se me urdhër të veçantë është ndaluar eksporti i maskave dhe dizifektantëve, me destinacion vendet e treta.

Maskat ishin parashikuar të shpërndaheshin nëpër spitale, farmaci ose kudo nevojiten.

“Dogana sqaroi se rekuizimi parashikon bllokim ,dhe kalimin e sasisë në favor të ministrisë së emergjencave civile,e cila do t’i shpërndajë ato nëpër spitale,farmaci ose kudo nevojiten, kundrejt pagesës,plus fitimin e parashikuar nga ligji i përfitimeve për kompanitë prodhuese (3-7%)”, shkruan “Top Channel”.

Por kjo nuk është hera e parë që ndodh një gjë e tillë, pas denoncimit të kompanive që importojnë maska dhe dizifektantë, të cilët raportojnë se ka pasur sekuestrim të menjëhershëm në doganë, 30% të sasisë së këtyre materialeve sapo ato hyjnë në territorin grek.

PËRGJIGJU

Please enter your comment!
Please enter your name here