Rreth 139 mijë euro të padeklaruara janë sekuestruar, pasi janë gjetur të fshehura në një autobus që ishte nisur drejt Shqipërisë.
Ka qenë policia italiane që ka bërë zbulimin, pasi qeni i trajnuar për nuhatjen e parave ka arritur të lokalizojë vendin ku ishin fshehur.
Paratë, të paketuara me plasmas në tufa 10 mijë euroshe, ishin vendosur në një pjesë të sajuar pranë motorit të autobusit.
Një person është proceduar lidhur me shumën e parave, por identiteti i tij nuk bëhet me dije.