Një sasi prej 145.000 shishe pije alkoolike u sekuestruan paraditen e së enjtes prej financës dhe policisë greke .
Mësohet se 10 konteinerët në të cilën ndodheshin pijet kontrabandë, ishin nisur nga Gjeorgjia dhe mbërritën në pire para 8 ditësh.
Burime nga doganat greke thanë se kishin informacion prej zyrës europiane të parandalimit të mashtrimit dhe falsifikimit(Olaf) lidhur me itenerarin e ngarkesës,ndaj dhe ishin vënë në alarm për bllokimin e sasisë të transportuar.
Prej analizave të kryera në laboratorin shtetëror të kimisë në Athinë,rezultoi se pijet ishin jo origjinale dhe jashtë parametrave të bashkimit europian, ndaj edhe u sekuestruan.