Serbia vijon të mbetet i vetmi vend kandidat për anëtarësim në Bashkimin Evropian që nuk respekton vendimet e Këshillit të BE-së në lidhje me masat ndëshkuese ndaj Rusisë.
Maqedonia e Veriut, Mali i Zi, Shqipëria dhe Bosnja e Hercegovina kanë respektuar pesë vendimet e Këshillit të BE-së në lidhje me sanksionet kundër Rusisë.
“Ato vende do të sigurojnë që politikat e tyre kombëtare të jenë në përputhje me vendimet e Këshillit dhe BE-së”, pohoi përfaqësuesi i Lartë i BE-së për Politikë të Jashtme dhe Siguri, Josep Borrell.
Kujtojmë se Kosova, e cila kohë më parë ka aplikuar për anëtarësim në BE, ka respektuar vendimet e BE-së në raport me Rusinë.