Ultrasit e Juventusit kanë qenë të pakënaqur me mënyrën se si janë trajtuar nga Kristiano Ronaldo. Kjo del nga përgjimet që sollën arrestimin e disa prej tyre për krime nga më të ndryshmet duke filluar që nga shitja e biletave në mënyrë të paautorizuar.
“Po ky, nuk di se si funksionojnë gjërat?”, është fraza që ka thënë një prej kapo-ultrasve të arrestuar rreth portugezit, siç shkruhej në “Corriere Dello Sport”. Gjithçka lindte nga mënyra se si Kristiano Ronaldo, në fund të ndeshjes, nuk shkelmoi topin drejt tribunave të ultrasve pas portës, por në tribunat ballore.
Një veprim i tillë është i zakonshëm në fund të ndeshjeve, me portugezin i cili në këtë mënyrë u dhuron topat e ndeshjeve tifozëve. Por për ultrasit, Ronaldo po tregonte mungesë respekti duke mos shkelmuar fillimisht sferën drejt tribunës së tyre, si vlerësim për mbështetjen që jepnin.