Katër persona kanë humbur jetën nga përplasjet e dhunshme që ndodhën në godinën e ‘Capitol’, ndërsa Policia ka arrestuar më shumë se 50 persona. Një prej viktimave është gruaja që u qëllua nga Policia, kurse 3 të tjerë (nëw grua dhe dy burra) vdiqën pas përplasjeve, teksa po u jepej ndihma mjekësore.
Megjithatë pas qetësimit të situatës, Kongresi ka rifilluar seancën për konfirmimin së rezultateve të Kolegjit Elektoral për fitoren e Presidentit të zgjedhur Joe Biden. Të dyja palët dënuan dhunën që ndodhi brenda në Kongres, por demokratët kanë hequr përgjegjësinë nga vetja, duke fajësuar Donald Trump për nxitjen e saj.
Më shumë se tre orë, sytë e gjithë botës panë tensione, dhunë e shkatërrim, ndërsa presidenti ende në detyrë Donald Trump në një lidhje të drejtpërdrejtë tha se e mirëkuptonte indinjatën e qytetarëve duke përsërsitur edhe njëherë se zgjedhjet ishin vjedhur. Megjithatë në fund iu bëri thirrje të gjithë protestuesëve që të shkonin në shtëpi.