Një nga urdhrat ekzekutiv që presidenti amerikan Donald Trump firmosi sapo mori detyrën, prek edhe Shqipërinë, duke bllokuar fondet për SPAK.
Ndërsa sot ICITAP dhe OPDAT kanë rikthyer fondet për institucionet e drejtësisë në vendin tonë. Mesa duket është rikthyer sërish mbështetja e Shteteve të Bashkuara të Amerikës për institucionet e drejtësisë në Shqipëri.
Ambasada e SHBA-ve në vendin tonë, më herët njoftoi zyrtarisht qeverinë shqiptare për pezullimin e fondeve të mbështetjes për një periudhë 90 ditore sipas urdhrit të Turmp, përmes një letre dërguar Ministrisë për Europën dhe Punët e Jashtme. Sipas shkresës, ambasada kërkonte që njoftimi të ndahej me të gjitha ministritë, institucionet dhe entet e tjera qeveritare që bashkëpunojnë përmes programeve ekzistuese të ndihmës së huaj të SHBA-së.