Botërori i Katarit do të jetë fundi i eksperimentit multimiliarder me PSG-në. Kjo është “bomba” që vjen nga Spanja ku gazetari Edu Aguirre i emisionit më të famshëm televiziv sportiv spanjoll, “El Chiringuito”, ka shpjeguar se sheikët kanë vendosur të nxjerrin në shitje klubin.
Ai bëri të ditur se ky lajm “do të ishte përcaktues për të ditur se ku do të vazhdojë të luajë Kilian Mbape”, tha ai. Aguirre shpjegoi se pas përfundimit të Botërorit 2022, klubi do të nxirrej në shitje pasi nuk kishte më arsye për të bërë promovimin masiv që i është bërë vendit. Kështu, sheikët kishin vendosur që në fillimin e vit të ardhshëm të nxjerrin në shitje këtë klub.
Edhe Naser Al Khelaifi, sipas të njëjtit burim, nuk do të ishte më në drejtimin e klubit me persona të tjerë të cilët do të menaxhonin klubin derisa të ndodhte tranzicioni i plotë dhe të shitej plotësisht.